乜生乜太（下）

戴：（望住個客廳）系甘樣吖。

乜：戴師傅，咩事吖？點解呆住系度睇個客廳嘅？

戴：我諗我知道你老公嘅變化系因為D喇。

乜：系？！戴師傅，甘你快D講我聽喇！

戴：放心喇，乜太，既然依家知道左問題嘅源頭，只要對症下藥就可以解決到架喇。

乜：戴師傅，我靠曬你架！

戴：乜太，你聽我講喇。其實屋企嘅每一個區域都代表住唔同嘅家庭成員，就好似身體嘅各個穴位都代表住對應嘅身體部位。而客廳呢，就代表一家之主嘅男主人，即系你老公，所以客廳嘅風水系會直接影響到乜生嘅運勢。

乜：甘系咪依家客廳嘅擺設對我老公嘅運勢唔好吖？

戴：嗯，無錯喇。根據乜生嘅八字黎睇，乜生嘅八字系「喜水忌火」。但系你屋企客廳嘅沙發就正正對準左「火旺」嘅正南方，佢嘅八字本黎就「忌火」，所以難怪你老公系屋企嘅時候會感覺「周身唔自在」，成日想離開喇。

乜：甘點算吖？將個沙發換走得唔得架？

戴：換走就唔使，只要將你沙發嘅擺放位置移到向住「水旺」嘅正北方向，甘就可以幫助乜生得到命中所需，令佢系屋企覺得身心舒暢，而且仲可以催旺你老公嘅運勢添。我一陣再系你屋企代表男主人嘅「乾」位度擺翻個流動嘅細風水球，甘乜生系屋企時可以更好甘吸收到命中所需嘅「水」，到時候乜太你就算想趕你老公出去行都趕唔走喇。

乜太聽完我嘅講解，二話不說，即刻拉住我一齊去移張沙發。經過我地商量後，終於將張沙發擺到一個又美觀又對住正北方嘅位置，跟住系佢地嘅睡房，我都做出左有針對性嘅加強型佈局，力求可以幫助乜太早日擺脫煩惱喇。

今日，岩岩就系幫乜太睇完風水兩個星期。中午既時候接到乜太嘅電話，一聽到把聲，就知佢肯定有好消息話我知。果然，佢話我知，一擺翻岩曬D野，乜生就晚晚翻屋企吃飯，變翻原本果個顧家既乜生，而且仲準備羅假，等對仔女放假然後成家人去歐洲旅行。為左多謝我幫佢搵翻以前個乜生翻來，所以想請我食飯渦。

呵呵，其實食唔食飯又有咩所謂呢，每次當我知道客人黎搵完我之後，可以如願以償解決到佢地嘅煩惱，知道自己幫到佢地，我就已經好開心好開心，唔使食飯，個心都滿足到飽曬啦！助人果然為快樂之本！

好喇，今期嘅「戴師傅事件簿」節目時間又夠喇，下次歡迎繼續收睇，Bye-Bye！