乜生乜太（下）

戴：（望住个客厅）系甘样吖。

乜：戴师傅，咩事吖？点解呆住系度睇个客厅嘅？

戴：我谂我知道你老公嘅变化系因为D喇。

乜：系？！戴师傅，甘你快D讲我听喇！

戴：放心喇，乜太，既然依家知道左问题嘅源头，只要对症下药就可以解决到架喇。

乜：戴师傅，我靠晒你架！

戴：乜太，你听我讲喇。其实屋企嘅每一个区域都代表住唔同嘅家庭成员，就好似身体嘅各个穴位都代表住对应嘅身体部位。而客厅呢，就代表一家之主嘅男主人，即系你老公，所以客厅嘅风水系会直接影响到乜生嘅运势。

乜：甘系咪依家客厅嘅摆设对我老公嘅运势唔好吖？

戴：嗯，无错喇。根据乜生嘅八字黎睇，乜生嘅八字系“喜水忌火”。但系你屋企客厅嘅沙发就正正对准左“火旺”嘅正南方，佢嘅八字本黎就“忌火”，所以难怪你老公系屋企嘅时候会感觉“周身唔自在”，成日想离开喇。

乜：甘点算吖？将个沙发换走得唔得架？

戴：换走就唔使，只要将你沙发嘅摆放位置移到向住“水旺”嘅正北方向，甘就可以帮助乜生得到命中所需，令佢系屋企觉得身心舒畅，而且仲可以催旺你老公嘅运势添。我一阵再系你屋企代表男主人嘅“干”位度摆翻个流动嘅细风水球，甘乜生系屋企时可以更好甘吸收到命中所需嘅“水”，到时候乜太你就算想赶你老公出去行都赶唔走喇。

乜太听完我嘅讲解，二话不说，即刻拉住我一齐去移张沙发。经过我地商量后，终于将张沙发摆到一个又美观又对住正北方嘅位置，跟住系佢地嘅睡房，我都做出左有针对性嘅加强型布局，力求可以帮助乜太早日摆脱烦恼喇。

今日，岩岩就系帮乜太睇完风水两个星期。中午既时候接到乜太嘅电话，一听到把声，就知佢肯定有好消息话我知。果然，佢话我知，一摆翻岩晒D野，乜生就晚晚翻屋企吃饭，变翻原本果个顾家既乜生，而且仲准备罗假，等对仔女放假然后成家人去欧洲旅行。为左多谢我帮佢揾翻以前个乜生翻来，所以想请我食饭涡。

呵呵，其实食唔食饭又有咩所谓呢，每次当我知道客人黎揾完我之后，可以如愿以偿解决到佢地嘅烦恼，知道自己帮到佢地，我就已经好开心好开心，唔使食饭，个心都满足到饱晒啦！助人果然为快乐之本！

好喇，今期嘅“戴师傅事件簿”节目时间又够喇，下次欢迎继续收睇，Bye-Bye！