乜生乜太（中）

上集話到乜太系我面前大曬佢地兩夫婦有幾幸福，但係講到後來乜太就大喊起上嚟。

乜：(喊到講嘢一截截)咩都變曬啦！佢而家唔係咁架喇！

戴：（快快脆遞上紙巾）乜太，你冷靜D先，唔好甘激動，有咩難題咪同我講咯。

乜：（稍為冷靜翻少少）我地兩公婆諗住想一家人換翻間大D嘅屋可以住得舒服D，甘我地咪做野勤力D，平時使費各方面都慳D咯。甘後來我地終於都由細屋換大屋。

戴：甘咪好咯，夢想成真喇，應該開心至係架﹗

乜：唉，原本我都系甘諗，屋又換左喇，仔仔女女又聽話，以為以後實有更加美好嘅生活等住我地架。點知……（又想喊喇）

戴：乜太你慢慢講，最緊要等自己個心舒服返。

乜：點知搬咗屋之後，我老公就開始越嚟越唔黐家喇。

戴：（哦？？）

乜：我同自己講係自己多心。佢做嘢忙啫﹗公司工作壓力大﹗咁我做人老婆咪體諒下佢咯。但係睇住佢一日到黑掛住攔街，連仔女都唔理。你話我又點繼續安慰到自己吖？最過分嘅就係佢連放假無嘢做都唔想留喺屋企。咁呢個係你自己嘅家，你唔想留喺度。淨係返嚟瞓咁算係點渦？

乜：咁我忍唔住咪話佢咯，點知道佢淨係講句系屋企覺得周身都唔自在，然之後又一個人走咗出街喇。佢變曬喇！我D姊妹話佢實情係識咗第二個女人。我真係唔敢諗呀﹗（又開始大喊）

戴：……

安慰緊情緒失控嘅乜太嘅同時，我心底嘅正義感不斷甘洶湧澎湃。唔知尤可，但既然今日畀我知道左乜太嘅遭遇，咁我就一定要幫乜太！我決定無論如何都要帶乜太走出呢個困境！

第二日，當我攞住佢地兩夫婦嘅時辰八字嚟到乜太屋企嘅時候，我當場窒咗一窒。原來就係因為你！終於畀我搵出乜生性情大變嘅原因喇！所有嘅謎團已經解開！就等我名偵探戴師傅黎打救你喇！

欲知後事如何，且繼續關注我嘅Blog，關注”乜生乜太（下）”！！