乜生乜太（中）

上集话到乜太系我面前大晒佢地两夫妇有几幸福，但系讲到后来乜太就大喊起上嚟。

乜：(喊到讲嘢一截截)咩都变晒啦！佢而家唔系咁架喇！

戴：（快快脆递上纸巾）乜太，你冷静D先，唔好甘激动，有咩难题咪同我讲咯。

乜：（稍为冷静翻少少）我地两公婆谂住想一家人换翻间大D嘅屋可以住得舒服D，甘我地咪做野勤力D，平时使费各方面都悭D咯。甘后来我地终于都由细屋换大屋。

戴：甘咪好咯，梦想成真喇，应该开心至系架﹗

乜：唉，原本我都系甘谂，屋又换左喇，仔仔女女又听话，以为以后实有更加美好嘅生活等住我地架。点知……（又想喊喇）

戴：乜太你慢慢讲，最紧要等自己个心舒服返。

乜：点知搬咗屋之后，我老公就开始越嚟越唔黐家喇。

戴：（哦？？）

乜：我同自己讲系自己多心。佢做嘢忙啫﹗公司工作压力大﹗咁我做人老婆咪体谅下佢咯。但系睇住佢一日到黑挂住拦街，连仔女都唔理。你话我又点继续安慰到自己吖？最过分嘅就系佢连放假无嘢做都唔想留喺屋企。咁呢个系你自己嘅家，你唔想留喺度。净系返嚟瞓咁算系点涡？

乜：咁我忍唔住咪话佢咯，点知道佢净系讲句系屋企觉得周身都唔自在，然之后又一个人走咗出街喇。佢变晒喇！我D姊妹话佢实情系识咗第二个女人。我真系唔敢谂呀﹗（又开始大喊）

戴：……

安慰紧情绪失控嘅乜太嘅同时，我心底嘅正义感不断甘汹涌澎湃。唔知尤可，但既然今日畀我知道左乜太嘅遭遇，咁我就一定要帮乜太！我决定无论如何都要带乜太走出呢个困境！

第二日，当我攞住佢地两夫妇嘅时辰八字嚟到乜太屋企嘅时候，我当场窒咗一窒。原来就系因为你！终于畀我揾出乜生性情大变嘅原因喇！所有嘅谜团已经解开！就等我名侦探戴师傅黎打救你喇！

欲知后事如何，且继续关注我嘅Blog，关注”乜生乜太（下）”！！