乜生乜太（上）

戴：「有無乜嘢願望咁呀?」

乜：「……」

戴：「有乜唔怕講喎, 乜太?」

乜：(眼濕濕) 「我老公佢好好架…」

戴：「咁咪好囉﹗」

乜：「好~ 不過系以前呀嘛﹗」

戴：

乜：「我老公好錫我，又好錫對仔女。結婚之前佢已經知道我唔識煮飯，但鄉下規矩過咗門第二日要煮9大鬼俾老爺奶奶食。佢一早起身就將D野整好曬，我只要扮煮就得。中途有幾次奶奶話要入嚟廚房睇，好彩老公醒目阻止咗，如果唔系就穿曬煲﹗結左婚幾年，老公一路做家庭煮夫，平時我地去買餸，D街坊都話我地似拍緊拖多過結咗婚。」

戴：「你先生都好體貼喎﹗」

乜：「有一晚我要OT，點知收工落大雨，佢知我無帶遮，就特登攞把遮嚟公司俾我，攪到我仲俾同事玩。D單身既同事問我系邊度慍到個咁24孝既老公，叫我都幫佢地慍返個。」

戴：（系啊……我都好羨慕啊……得閒都幫我搵返個啊）

乜：「我老公好有心機教仔女架﹗做錯嘢唔鬧唔打。係會慢慢講到佢哋明。個女話想要去食麥記換公仔, 話系限量版，換完就無。我返緊工行唔開。老公LUNCH 都唔食去排隊幫個女換。禮拜六日放假就陪個仔去練波。人人都話我哋好幸福，係模範家庭…」

乜：「我自己都覺得嫁到個甘好既老公係我執到。見D雜誌話邊個有錢太太點好點好。但講真我真係唔會羨慕。雖然我老公唔系大富大貴。但佢係將我同仔女放第一位。不論時間, 心機, 物質都盡量俾我地。反而佢好辜寒自己。仔女要買新衫新波鞋絕對無問題。但自己就好鬼慳。」

戴：「咁咪好囉，乜太﹗我都覺得你老公係絕種好男人，你真係幸福！」

乜：「不過！不過呢D都系以前既事啦！」(大喊)

戴：

乜：(喊到講嘢一截截)「咩都變曬啦！佢而家唔係咁架喇！」

究竟原本好幸福嘅乜生乜太點解會變呢? 想知後事如何。請聽日同一時間收看本BLOG