.jpg)
最近有位客人嚟揾我睇风水，我哋暂且称佢为“乜太”。咁我一向同客人睇风水，除咗会乜运都加强下之外，仲会针对客人特别想改善嘅地方落猛药，令到佢嘅心愿可以早日达成。所以，当我见到“乜太”既时候，就一如既往咁问佢。
戴：“有无乜嘢愿望咁呀?”
乜：“……”
戴：“有乜唔怕讲㖞, 乜太?”
乜：(眼湿湿) “我老公佢好好架…”
戴：“咁咪好囉﹗”
乜：“好~ 不过系以前呀嘛﹗”
戴：
乜：“我老公好锡我，又好锡对仔女。结婚之前佢已经知道我唔识煮饭，但乡下规矩过咗门第二日要煮9大鬼俾老爷奶奶食。佢一早起身就将D野整好晒，我只要扮煮就得。中途有几次奶奶话要入嚟厨房睇，好彩老公醒目阻止咗，如果唔系就穿晒煲﹗结左婚几年，老公一路做家庭煮夫，平时我地去买𩠌，D街坊都话我地似拍紧拖多过结咗婚。”
戴：“你先生都好体贴㖞﹗”
乜：“有一晚我要OT，点知收工落大雨，佢知我无带遮，就特登攞把遮嚟公司俾我，搅到我仲俾同事玩。D单身既同事问我系边度愠到个咁24孝既老公，叫我都帮佢地愠返个。”
戴：（系啊……我都好羡慕啊……得闲都帮我揾返个啊）
乜：“我老公好有心机教仔女架﹗做错嘢唔闹唔打。系会慢慢讲到佢哋明。个女话想要去食麦记换公仔, 话系限量版，换完就无。我返紧工行唔开。老公LUNCH 都唔食去排队帮个女换。礼拜六日放假就陪个仔去练波。人人都话我哋好幸福，系模范家庭…”
乜：“我自己都觉得嫁到个甘好既老公系我执到。见D杂志话边个有钱太太点好点好。但讲真我真系唔会羡慕。虽然我老公唔系大富大贵。但佢系将我同仔女放第一位。不论时间, 心机, 物质都尽量俾我地。反而佢好辜寒自己。仔女要买新衫新波鞋绝对无问题。但自己就好鬼悭。”
戴：“咁咪好囉，乜太﹗我都觉得你老公系绝种好男人，你真系幸福！”
乜：“不过！不过呢D都系以前既事啦！”(大喊)
戴：
乜：(喊到讲嘢一截截)“咩都变晒啦！佢而家唔系咁架喇！”
究竟原本好幸福嘅乜生乜太点解会变呢? 想知后事如何。请听日同一时间收看本BLOG
来源网站: 戴子珽
添加到百度搜藏
