再續 - 知好? 唔知好?

想趨吉避凶﹐日日行好運係人之常情。斷估無人會想成世行衰運。所有不幸發生曬落自己身上。所以﹐算命﹐改名﹐睇風水大把人爭住做。出面宜家有d精讀班。只需三個月就可以掛個招牌出嚟做“師傅”喇﹗有無人讀? 大把﹗都有人會比廿幾億種生基囉﹗有咩唔可能呢?

出面師傅大致分兩種 ---
(一) 宿命﹐八字生成。全部整定無得改 ---> (心聲V.O. 咁睇你把鬼咩?)
(二) 部份可以改 ---> 邊d可以。邊d唔可以好含糊。主要係改係改到。但要駛錢。破財擋災。Truth is --- 改係改到。改咗佢個運呀嘛﹗唔係你嗰個﹐豬仔﹗

我個point係 --- 如果齋得個知字。咁不如唔好知啦﹗正如你去睇醫生。佢話你聽你咩病。但又無藥比你。就咁叫你走一樣。咁有咩用? 但如果知咗係會make a difference嘅咁就唔同﹗點解家宅運唔好? 點解無姻緣? 有咩唔好。可以點改? 等同有唔舒服。去睇醫生做body check。檢查出嚟有咩唔妥可以即刻醫。原理同去見中醫打平安脈一樣。防病於未病。我咁講得。我一定唔會係“等你得個知字”嗰種師傅。我當然係前因﹐後 果 + 過程話曬你聽。聽唔聽。做唔做係你嘅事。信我﹗真係有人係你想幫都幫唔到。因為佢自己都唔幫自己。

想好運? 一個字 --- 孝

你望下當今白手興家嘅成功人士有邊位唔係孝? L君去到邊都拖實媽媽。無話有女友就唔記得媽咪。李超人樣樣生意都做。唯獨係鐘錶珠寶唔做。點解? 因為唔同自己外父競爭。李錦記一家人既孝順又團結。成績大家有目共睹啦﹗全球多年首富 Bill Gates嘅發達機會全靠媽咪。亦將榮譽歸於媽咪。

唔好以為係咁巖得咁橋。我自己多位朋友。都係佢哋行內首屈一指嘅人物。
飲食界代表 --- 50餘歲。今時今日擁有過百間餐廳。真正城中鑽石王老五。從來唔慶祝生日。因為生日係當年媽咪承受住極大痛楚﹐冒住生命危險嘅日子。佛教稱生日為“母難 日”。另外佢多年不外遊。就算一定要出business trip。都盡量縮短。點解? 因為“父母在堂。子不遠遊。遊必有方”。日日返到屋企幫父親量血壓。

杏林代表 --- 40餘歲。單身有型靚仔。只要唔駛應酬就一定係陪媽咪食飯。舊年佢媽咪body check話癌病指數高時。個個禮拜同我去佛堂拜懺。代媽咪懺悔過去世嘅殺生惡業。直到再body check話癌病指數又唔知點解地很正常時。先敢鬆懈唔去拜懺。

電子界代表 --- 30餘歲。日日在家食飯。過時過節一定係同家人去旅行。當年佢媽咪生cancer時身為一個基督徒都同我去為佢媽咪放生。

佢哋環境點? 飲食界代表每年營業額以十憶計。同父母同住山頂獨立屋。杏林代表擁有多間診所。自住淺水灣獨立屋。電子界代表創業不到十年。Wallmart, Home Depot, Sears訂單接到接唔曬。同父母同住西貢獨立屋。有車﹐有司機﹐大把potential女友就無駛講啦﹗

日日見客當我講好運嘅秘訣就係孝時。好多人都話自己孝順。但當我問“你爹哋媽咪屬咩?”9成人會答唔出。“咁係邊年呀?”都係答唔出。真係無人會好 似我咁戇居教人做善事﹐做好事去改運 instead of 比錢我幫你點改點改。今時今日我咩都唔收錢。唔係淨係問事。係連改名﹐睇風水都無收。隨客人比利是。我唔係發咗。但我又確實唔係等錢駛。所以我會好 matter of fact 咁講比人聽真正最有效嘅方法係咩。

想行好運。咩都唔駛做。孝順就得喇﹗何謂孝? 又考嚇你哋呀﹗