再续 - 知好? 唔知好?

想趋吉避凶﹐日日行好运系人之常情。断估无人会想成世行衰运。所有不幸发生晒落自己身上。所以﹐算命﹐改名﹐睇风水大把人争住做。出面宜家有d精读班。只需三个月就可以挂个招牌出嚟做“师傅”喇﹗有无人读? 大把﹗都有人会比廿几亿种生基囉﹗有咩唔可能呢?

出面师傅大致分两种 ---
(一) 宿命﹐八字生成。全部整定无得改 ---> (心声V.O. 咁睇你把鬼咩?)
(二) 部份可以改 ---> 边d可以。边d唔可以好含糊。主要系改系改到。但要驶钱。破财挡灾。Truth is --- 改系改到。改咗佢个运呀嘛﹗唔系你𠮶个﹐猪仔﹗

我个point系 --- 如果斋得个知字。咁不如唔好知啦﹗正如你去睇医生。佢话你听你咩病。但又无药比你。就咁叫你走一样。咁有咩用? 但如果知咗系会make a difference嘅咁就唔同﹗点解家宅运唔好? 点解无姻缘? 有咩唔好。可以点改? 等同有唔舒服。去睇医生做body check。检查出嚟有咩唔妥可以即刻医。原理同去见中医打平安脉一样。防病于未病。我咁讲得。我一定唔会系“等你得个知字”𠮶种师傅。我当然系前因﹐后 果 + 过程话晒你听。听唔听。做唔做系你嘅事。信我﹗真系有人系你想帮都帮唔到。因为佢自己都唔帮自己。

想好运? 一个字 --- 孝

你望下当今白手兴家嘅成功人士有边位唔系孝? L君去到边都拖实妈妈。无话有女友就唔记得妈咪。李超人样样生意都做。唯独系钟表珠宝唔做。点解? 因为唔同自己外父竞争。李锦记一家人既孝顺又团结。成绩大家有目共睹啦﹗全球多年首富 Bill Gates嘅发达机会全靠妈咪。亦将荣誉归于妈咪。

唔好以为系咁岩得咁桥。我自己多位朋友。都系佢哋行内首屈一指嘅人物。
饮食界代表 --- 50余岁。今时今日拥有过百间餐厅。真正城中钻石王老五。从来唔庆祝生日。因为生日系当年妈咪承受住极大痛楚﹐冒住生命危险嘅日子。佛教称生日为“母难 日”。另外佢多年不外游。就算一定要出business trip。都尽量缩短。点解? 因为“父母在堂。子不远游。游必有方”。日日返到屋企帮父亲量血压。

杏林代表 --- 40余岁。单身有型靓仔。只要唔驶应酬就一定系陪妈咪食饭。旧年佢妈咪body check话癌病指数高时。个个礼拜同我去佛堂拜忏。代妈咪忏悔过去世嘅杀生恶业。直到再body check话癌病指数又唔知点解地很正常时。先敢松懈唔去拜忏。

电子界代表 --- 30余岁。日日在家食饭。过时过节一定系同家人去旅行。当年佢妈咪生cancer时身为一个基督徒都同我去为佢妈咪放生。

佢哋环境点? 饮食界代表每年营业额以十忆计。同父母同住山顶独立屋。杏林代表拥有多间诊所。自住浅水湾独立屋。电子界代表创业不到十年。Wallmart, Home Depot, Sears订单接到接唔晒。同父母同住西贡独立屋。有车﹐有司机﹐大把potential女友就无驶讲啦﹗

日日见客当我讲好运嘅秘诀就系孝时。好多人都话自己孝顺。但当我问“你爹哋妈咪属咩?”9成人会答唔出。“咁系边年呀?”都系答唔出。真系无人会好 似我咁戆居教人做善事﹐做好事去改运 instead of 比钱我帮你点改点改。今时今日我咩都唔收钱。唔系净系问事。系连改名﹐睇风水都无收。随客人比利是。我唔系发咗。但我又确实唔系等钱驶。所以我会好 matter of fact 咁讲比人听真正最有效嘅方法系咩。

想行好运。咩都唔驶做。孝顺就得喇﹗何谓孝? 又考吓你哋呀﹗