我平日幫客人論命時。都會占測客人嘅宿世因果。有一樣係十次十次都中嘅。就係偷盜。如果佔到有偷盜，呢個人一定會有 ‘窮’ 嘅經歷。到底 ‘窮’ 成點? 同埋 ‘窮’ 幾耐? 就要睇呢個偷盜有幾嚴重。
但唔窮又唔代表有錢。之前問大家錢嘅種子係咩。大家諗成點?
上文提到種子係咩，個果就係咩，一模一樣。你想要錢，咁 你咪要種錢。你有種錢，你就會收錢。記住種子和果係一模一樣。點樣種錢呢？將錢由我哋個袋攞出嚟比人就係種錢。平時見到苦嘅人、可憐嘅人，就比錢佢啦﹗唔 好理人哋係咪呃你。佢呃你係佢嘅事。你幫人係你嘅事。就算佢唔可憐我哋都可以比。我們喺邊度種種子，將來就會收到無數果實。你想發達，你宜家就要去佈施。攞錢去佈施，送錢比人，呢粒種子種喺佢地裡裏面。你將來就會收到好多好多嘅錢。概念同喺銀行做定期一樣。你唔先由自己個袋攞咗錢出嚟。放入銀行做定期。到時又點有息收呢?
含住金鎖匙嘅阿邊個邊個並唔係好彩。又唔見你我有咁好彩? 阿邊個邊個咁好彩係因為佢過去佈施咗好多嘅人。宜家成為佢阿爸阿媽阿爺阿嬤。所以今生要比好多好多錢阿邊個邊個駛。因為阿邊個邊個之前喺佢度存起咗好多錢。阿千億新保點解咁好命? 因為人哋以前幫過千億家族一家好多。宜家見返就可以連本帶千萬倍嘅利息收返。
我見過有d大老細。佢哋搵好多好多錢。但又好似無咩嘢做。三點不露, 閒時打下golf, 去下旅行, 食得好、住得好、著得好。佢哋d錢唔駛佢哋自己搵架﹗ 係好多人幫佢搵﹗ 佢哋打緊golf, 去緊旅行, 食緊, 瞓緊時都有人係咁幫佢哋搵錢。點解？咪就係呢個老細過去播咗好多種子。過去佢將錢佈施比呢d人。經過一段時間，宜家種子成熟。農夫就可以收成。當初收到錢嘅人就好似一片農田。要還，要報答農夫。咁要還幾長時間？就睇佢種幾多。當時如果佢種咗十蚊。宜家你就還一百、一千、一萬，仲要加埋利息慢慢還。道理同蘋果樹一樣。一粒種子可以生成好多萬個蘋果。
所以話好多老細。鬼混都可以賺到錢。講句公道說話，係佢應得嘅。係佢嘅，就係佢嘅。你再聰明再叻。你無種過呢個種子。由你點叻，錢都唔會落你袋。我見過好多人，好聰明、好叻，一世人就係無發達。有很多人佢唔聰明，唔叻，吃喝玩樂，但係佢就係賺到錢。
記得，佢過去有種過呢個種子，宜家就有得收穫。你過去無種過呢個種子，你宜家就無得收。田裏面無種子，無根，你點施肥、淋水。做死你，都唔會有收成。你想發達，你過去無佈施無將自己嘅錢佈施比人。你宜家又點可能發達呢？如果以前無財佈施嘅善因，宜家就必須努力咁做。即便以前少佈施，宜家努力去做，一樣會喺今生同來世得到財富圓滿嘅善果。如果連宜家仍然唔肯做，咁將來仲要繼續受貧窮之苦。
財富嘅圓滿必須要有財佈施嘅種子同埋福德因緣。否則就算將財富擺喺你面前，或者送比你，你都得唔到。即使得到都可能立刻失去，仲帶嚟其它災禍。
可能有人覺得賺唔到錢入錯行、行衰運、人緣唔好、方法唔得等等因素造成。事實上，這些因素都只是致富嘅助緣，而非真正嘅原因，佈施才是將來致富的根本原因。
貧 窮的原因睇起嚟好多。但歸根究底，最首要嘅都係緣於心性慳貪。由於慳貪，就唔會去做財佈施播種福田；甚至由於呢種自私自利不顧他人嘅貪念驅使，繼而去做偷 盜嘅罪業。最終導致受果報時，缺乏財富受用，或者財富被冤家仇敵劫奪侵佔。現在一切貧窮者都係由於宿世慳貪所致，未來一切貧苦者亦因現在慳貪所致。貧窮嘅 原因歸納出來，就是慳貪、偷盜、未行佈施。
所以如果想脫離貧窮得到富足，一定唔可以偷盜非己嘅財物。哪怕是一針一線；即使係朋友、親戚、同事，都要先得到財物主人嘅同意先可以窮拿走使用。並且喺用之後比返相應嘅報酬，以防種下貧苦嘅種子。
萬一真係佔到有偷盜嘅前因。就可以靠努力懺悔去洗清偷盜嘅種子。每星期喺唔同嘅佛教中心都有拜懺可以參加。平日自己喺屋企都可以做。
由今日起努力懺悔 + 廣行報施。持之以恆﹐就必定可以將貧窮嘅原因連根拔起。感受新嘅生活。
添加到百度搜藏
