我平日帮客人论命时。都会占测客人嘅宿世因果。有一样系十次十次都中嘅。就系偷盗。如果占到有偷盗，呢个人一定会有 ‘穷’ 嘅经历。到底 ‘穷’ 成点? 同埋 ‘穷’ 几耐? 就要睇呢个偷盗有几严重。
但唔穷又唔代表有钱。之前问大家钱嘅种子系咩。大家谂成点?
上文提到种子系咩，个果就系咩，一模一样。你想要钱，咁 你咪要种钱。你有种钱，你就会收钱。记住种子和果系一模一样。点样种钱呢？将钱由我哋个袋攞出嚟比人就系种钱。平时见到苦嘅人、可怜嘅人，就比钱佢啦﹗唔 好理人哋系咪呃你。佢呃你系佢嘅事。你帮人系你嘅事。就算佢唔可怜我哋都可以比。我们喺边度种种子，将来就会收到无数果实。你想发达，你宜家就要去布施。攞钱去布施，送钱比人，呢粒种子种喺佢地里里面。你将来就会收到好多好多嘅钱。概念同喺银行做定期一样。你唔先由自己个袋攞咗钱出嚟。放入银行做定期。到时又点有息收呢?
含住金锁匙嘅阿边个边个并唔系好彩。又唔见你我有咁好彩? 阿边个边个咁好彩系因为佢过去布施咗好多嘅人。宜家成为佢阿爸阿妈阿爷阿嬷。所以今生要比好多好多钱阿边个边个驶。因为阿边个边个之前喺佢度存起咗好多钱。阿千亿新保点解咁好命? 因为人哋以前帮过千亿家族一家好多。宜家见返就可以连本带千万倍嘅利息收返。
我见过有d大老细。佢哋揾好多好多钱。但又好似无咩嘢做。三点不露, 闲时打下golf, 去下旅行, 食得好、住得好、著得好。佢哋d钱唔驶佢哋自己揾架﹗ 系好多人帮佢揾﹗ 佢哋打紧golf, 去紧旅行, 食紧, 瞓紧时都有人系咁帮佢哋揾钱。点解？咪就系呢个老细过去播咗好多种子。过去佢将钱布施比呢d人。经过一段时间，宜家种子成熟。农夫就可以收成。当初收到钱嘅人就好似一片农田。要还，要报答农夫。咁要还几长时间？就睇佢种几多。当时如果佢种咗十蚊。宜家你就还一百、一千、一万，仲要加埋利息慢慢还。道理同苹果树一样。一粒种子可以生成好多万个苹果。
所以话好多老细。鬼混都可以赚到钱。讲句公道说话，系佢应得嘅。系佢嘅，就系佢嘅。你再聪明再叻。你无种过呢个种子。由你点叻，钱都唔会落你袋。我见过好多人，好聪明、好叻，一世人就系无发达。有很多人佢唔聪明，唔叻，吃喝玩乐，但系佢就系赚到钱。
记得，佢过去有种过呢个种子，宜家就有得收获。你过去无种过呢个种子，你宜家就无得收。田里面无种子，无根，你点施肥、淋水。做死你，都唔会有收成。你想发达，你过去无布施无将自己嘅钱布施比人。你宜家又点可能发达呢？如果以前无财布施嘅善因，宜家就必须努力咁做。即便以前少布施，宜家努力去做，一样会喺今生同来世得到财富圆满嘅善果。如果连宜家仍然唔肯做，咁将来仲要继续受贫穷之苦。
财富嘅圆满必须要有财布施嘅种子同埋福德因缘。否则就算将财富摆喺你面前，或者送比你，你都得唔到。即使得到都可能立刻失去，仲带嚟其它灾祸。
可能有人觉得赚唔到钱入错行、行衰运、人缘唔好、方法唔得等等因素造成。事实上，这些因素都只是致富嘅助缘，而非真正嘅原因，布施才是将来致富的根本原因。
贫 穷的原因睇起嚟好多。但归根究底，最首要嘅都系缘于心性悭贪。由于悭贪，就唔会去做财布施播种福田；甚至由于呢种自私自利不顾他人嘅贪念驱使，继而去做偷 盗嘅罪业。最终导致受果报时，缺乏财富受用，或者财富被冤家仇敌劫夺侵占。现在一切贫穷者都系由于宿世悭贪所致，未来一切贫苦者亦因现在悭贪所致。贫穷嘅 原因归纳出来，就是悭贪、偷盗、未行布施。
所以如果想脱离贫穷得到富足，一定唔可以偷盗非己嘅财物。哪怕是一针一线；即使系朋友、亲戚、同事，都要先得到财物主人嘅同意先可以穷拿走使用。并且喺用之后比返相应嘅报酬，以防种下贫苦嘅种子。
万一真系占到有偷盗嘅前因。就可以靠努力忏悔去洗清偷盗嘅种子。每星期喺唔同嘅佛教中心都有拜忏可以参加。平日自己喺屋企都可以做。
由今日起努力忏悔 + 广行报施。持之以恒﹐就必定可以将贫穷嘅原因连根拔起。感受新嘅生活。
添加到百度搜藏
