當我問大家點樣可以有錢時。有人話命裡有時終須有。話食幾多著幾多都係整定。又話莫強求等等。大家都變得知足。真可以長久知足當然好。但知唔知足和有無錢係無關。窮人可以知足。有錢人亦可以唔知足。唔見得你擁有得多就知足。知唔知足係同心態有關。同擁有幾多無關。

假如2位農夫。A田種稻米。B田都種稻米。但A大豐收。B就連糊口都唔夠。陽光、水分、肥料、土壤有齊。大家隔離田, 陽光土壤都係咁架啫﹗ 水A落幾多。B落幾多。肥料A用邊隻。B就跟你用邊隻。但偏偏A種得好好。B就無。

喺現今社會經常發生「農夫事件」。你賣糖水。我賣糖水。大家隔離鋪。你招呼人。我就招呼污蠅。你門口排長龍。我門口就排氣。首先要諗。係咪有咩做得唔好? product 唔得? service 唔好? 價錢太貴?  如果唔係。咁係點解?

同2位農夫一樣。大家從表面去睇。條件都一樣。但內裡有一D係大家會忽略嘅因素。就係田裏面嘅種子。大豐收嘅A農夫田裏面有好多種子。A灑咗幾千粒種子落田。而B淨係灑咗幾十粒。咁自然A會收成得多過B。

正如有人話增長財富效益要靠智謀、拼搏、管理、團隊精神……只 要大家能夠辯證觀察現實社會嘅種種現象，就會明白呢D因素只係求財嘅助緣而已，都唔究竟。呢個世界係咪有智謀就有錢? 電影業嘅橋王編劇好有智謀。但電影 投資人先係有錢個位。肯拼搏就有錢? 我好肯拼搏但。。。識得管理就有錢? 通常識得管理嘅人才都係大老闆請返嚟代替自己受苦。等佢可以去環遊世界。定係 有團隊精神就有錢? 樂隊通常最紅個位最終都選擇單飛。

想有錢就要明白3樣嘢

樣 --- 個種子係咩，個果就係咩，一模一樣，唔會錯。你種咗番茄。到收成嘅時候你突然想食蘋果，「都係紅色啫﹗ 得嘅﹗」結果係唔得架﹗下年請早呀唔該﹗

數 --- 種一粒會收無數粒。你哋知唔知一棵蘋果樹一年可以生幾多個蘋果?  一般係500個左右。咁一棵蘋果樹成世可以生幾多個蘋果呢?  閒閒哋係幾萬個。呢幾萬幾個蘋果全部都係由一粒種子生出嚟。

時 --- 宜家種將來收，春天種，經歷夏天，秋天先有得收。今天種，今天就收，係無可能嘅。今天種的連芽都發唔出，點會收果呢？最多俾你落肥料加快。

你哋又估嚇錢嘅種子係咩? 下回分解﹗

來源網站: 戴子珽