当我问大家点样可以有钱时。有人话命里有时终须有。话食几多著几多都系整定。又话莫强求等等。大家都变得知足。真可以长久知足当然好。但知唔知足和有无钱系无关。穷人可以知足。有钱人亦可以唔知足。唔见得你拥有得多就知足。知唔知足系同心态有关。同拥有几多无关。

假如2位农夫。A田种稻米。B田都种稻米。但A大丰收。B就连糊口都唔够。阳光、水分、肥料、土壤有齐。大家隔离田, 阳光土壤都系咁架啫﹗ 水A落几多。B落几多。肥料A用边只。B就跟你用边只。但偏偏A种得好好。B就无。

喺现今社会经常发生“农夫事件”。你卖糖水。我卖糖水。大家隔离铺。你招呼人。我就招呼污蝇。你门口排长龙。我门口就排气。首先要谂。系咪有咩做得唔好? product 唔得? service 唔好? 价钱太贵?  如果唔系。咁系点解?

同2位农夫一样。大家从表面去睇。条件都一样。但内里有一D系大家会忽略嘅因素。就系田里面嘅种子。大丰收嘅A农夫田里面有好多种子。A洒咗几千粒种子落田。而B净系洒咗几十粒。咁自然A会收成得多过B。

正如有人话增长财富效益要靠智谋、拼搏、管理、团队精神……只 要大家能够辩证观察现实社会嘅种种现象，就会明白呢D因素只系求财嘅助缘而已，都唔究竟。呢个世界系咪有智谋就有钱? 电影业嘅桥王编剧好有智谋。但电影 投资人先系有钱个位。肯拼搏就有钱? 我好肯拼搏但。。。识得管理就有钱? 通常识得管理嘅人才都系大老板请返嚟代替自己受苦。等佢可以去环游世界。定系 有团队精神就有钱? 乐队通常最红个位最终都选择单飞。

想有钱就要明白3样嘢

样 --- 个种子系咩，个果就系咩，一模一样，唔会错。你种咗番茄。到收成嘅时候你突然想食苹果，“都系红色啫﹗ 得嘅﹗”结果系唔得架﹗下年请早呀唔该﹗

数 --- 种一粒会收无数粒。你哋知唔知一棵苹果树一年可以生几多个苹果?  一般系500个左右。咁一棵苹果树成世可以生几多个苹果呢?  闲闲哋系几万个。呢几万几个苹果全部都系由一粒种子生出嚟。

时 --- 宜家种将来收，春天种，经历夏天，秋天先有得收。今天种，今天就收，系无可能嘅。今天种的连芽都发唔出，点会收果呢？最多俾你落肥料加快。

你哋又估吓钱嘅种子系咩? 下回分解﹗

来源网站: 戴子珽