丁生丁太

唔知大家有無印象多年前 (準確日子係2007年2月) 當時千嬅係同鄭生分手多時。未有着落。當然係未識丁生啦﹗ 我喺太陽報講過話千嬅即將遇到真命天子。當中我有預測到千嬅會同呢個人結婚。今日見到千嬅結咗婚。初時諗住 ''唉呀﹗ 準咗一半。另一半錯咗﹗ (因話10年先結) ''。點知再睇原來千嬅未正式擺酒。咁喺命理上又真係唔算結咗婚喎﹗ 希望千嬅等一等。等到立咗春先擺酒。等我準埋個一半啦﹗ 哈哈~ 

不過準都無用。某位師傅傳媒勢力太大。就算D記者知道我準。當日真金白銀比錢我睇 (個時仲有收錢)。但都唔寫得。寫咗都唔出得。上頭話唔得。因為同X師傅好friend。唔可以得失。加上仲有利益關係 (唔好問我有咩利益關係)。戥我唔抵但都奈何。

個陣時自己都唔信。只要個心正直 + 努力。無理由唔得﹗ 但原來。。。算啦﹗ 命理圈同娛樂圈真係無咩分別。你無後台。幾叻都無用。仲可以夾埋新聞節目整你。準咗個10樣唔出街。淨係播你錯咗個樣。所以我無心再喺呢個命理娛樂圈打滾。索性我連錢都唔收。一心做善事幫人。人善人欺天不欺﹗ 

2007年2月(22或23日報) -- 太陽報

預測豬年運程
千嬅桃花開3年後嫁人

由落選港姐搖身一變成為堪輿學家的戴子珽，為圈中人預測豬年運程，結果測出楊千嬅的真命天子即將出現，而陳奕迅則有機會出現婚姻危機，言論相當出位！

感 情生活空白多年的千嬅，戴子珽預測其真命天子將於今年或明年出現，她說：「好多師傅都話千嬅肖虎，其實74年2月3日出世佢，因為未立春，所以係肖牛， 今年同明年都會紅鸞星動！佢真命天子會出現，但要2010年先結婚！」不過，戴子珽指剛轉會的千嬅事業發展一般，更會與老闆發生拗撬。