丁生丁太

唔知大家有无印象多年前 (准确日子系2007年2月) 当时千嬅系同郑生分手多时。未有着落。当然系未识丁生啦﹗ 我喺太阳报讲过话千嬅即将遇到真命天子。当中我有预测到千嬅会同呢个人结婚。今日见到千嬅结咗婚。初时谂住 ''唉呀﹗ 准咗一半。另一半错咗﹗ (因话10年先结) ''。点知再睇原来千嬅未正式摆酒。咁喺命理上又真系唔算结咗婚㖞﹗ 希望千嬅等一等。等到立咗春先摆酒。等我准埋个一半啦﹗ 哈哈~ 

不过准都无用。某位师傅传媒势力太大。就算D记者知道我准。当日真金白银比钱我睇 (个时仲有收钱)。但都唔写得。写咗都唔出得。上头话唔得。因为同X师傅好friend。唔可以得失。加上仲有利益关系 (唔好问我有咩利益关系)。戥我唔抵但都奈何。

个阵时自己都唔信。只要个心正直 + 努力。无理由唔得﹗ 但原来。。。算啦﹗ 命理圈同娱乐圈真系无咩分别。你无后台。几叻都无用。仲可以夹埋新闻节目整你。准咗个10样唔出街。净系播你错咗个样。所以我无心再喺呢个命理娱乐圈打滚。索性我连钱都唔收。一心做善事帮人。人善人欺天不欺﹗ 

2007年2月(22或23日报) -- 太阳报

预测猪年运程
千嬅桃花开3年后嫁人

由落选港姐摇身一变成为堪舆学家的戴子珽，为圈中人预测猪年运程，结果测出杨千嬅的真命天子即将出现，而陈奕迅则有机会出现婚姻危机，言论相当出位！

感 情生活空白多年的千嬅，戴子珽预测其真命天子将于今年或明年出现，她说：“好多师傅都话千嬅肖虎，其实74年2月3日出世佢，因为未立春，所以系肖牛， 今年同明年都会红鸾星动！佢真命天子会出现，但要2010年先结婚！”不过，戴子珽指刚转会的千嬅事业发展一般，更会与老板发生拗撬。