“平生无做衰嘢。但点解就咁“黑仔”? ”
“明明生肖运程话我今年好。咪又系咁(衰)"
“我都有拜神装香。但点解就不见好? 个个都保佑。就系唔保佑我﹗”
“师傅话我边年边年会遇到真命天子。个年唔结。下一次就系几时几时”
呢d系经常听到嘅说话。黑仔永远唔知自己点解黑仔。拜神争上头注香为博好运。俗语讲“行衰运先会去算命架啫﹗好运又有咩好问呀﹗”
叻嘅算命师傅系可以令你知道将来会发生咩事。好嘅固然好。但唔好点算? 点避呢? 知道咗﹐解决唔到咪又系无用﹗真系唔知好过知啦﹗知咗仲会"形"住。坊间算命师傅算完话你有个劫。会离婚。会破财。有血光。客人觉得佢讲之前个d都准。听咗就会不安。随即师傅就会话帮你摆个阵化咗佢。除咗摆阵(风水)﹐仲有法事﹐改名等等。收返你若干钱。唔做﹐又唔心安。做﹐又肉赤。最后﹐都系做。因为 --- 唔怕一万。只怕万一。
过去嘅事边个都改唔到。但将来仲未发生嘅系绝对可以改变。关键系方法一定要正确。点知正唔正确? 有无立刻明显好转咪就系答案囉﹗可唔可以有效先比钱? 又或者净收利是? 下次问下你个师傅 
算命算得准。唔驶开心﹗亦唔驶赞个师傅劲。原因系 ---
(1) 算得准代表你一生好事做得唔多。平平无奇。
算命算得唔准。亦唔驶唔开心﹗更唔驶闹个师傅。原因系 ---
(2) 算咗好嘅唔发生。衰嘅中晒。代表你坏事做得够多。d福抵销晒。
(3) 算咗坏嘅唔发生。好嘅更好。恭喜你﹗你广作善事。随喜﹗随喜﹗
明未呀﹐各位大朋友? 
来源网站: 戴子珽
添加到百度搜藏
