幼模 “篮球”改名催运揾老细

今期３周刊８月６日出版的，Ｐ３２页，未点名，提到一位风水师替一位明星改名转运的事，大家猜猜看是谁？不过我不喜欢记者用“鸡翼”这个字眼。



保母回忆录：

幼模 “篮球”改名催运揾老细


人物：“篮球”、“鸡翼”

地点：香港

时间：2008年

 正所谓：“唔怕生坏命，最怕改坏名”，若果个名改得唔好，随时会有好大影响，所以唔少艺人都会改个艺名，希望星途顺利、大红大紫，好似最近热爆全城的幼模“篮球”，波大有脑之余，佢重非常迷信，入行前专登揾城中出名改名转运的“鸡翼”帮手，不过目的唔系大红大紫，而系希望“客似云来”。

揾老细赚钱

 话说“篮球”自小已经非常恨钱，细细个入行做模特儿，已经有唔少人问佢价，希望可同佢一夜温柔，不过当时年纪重细，所以佢仍然保住贞节。不过自从佢同初恋男友分手后，已经唔再系女仔，所以决定卖肉。为了可以揾到阔佬客，佢决定先入娱乐圈，可以发明星梦之余，又可以增加埋名气，叫做明星仔，身价都高些。虽然“篮球”本身有样有身材，但佢本身个名实在太过普通，好难令人印象深刻，所以名气一直麻麻，于是佢决定改名、改运，重专登去揾城中出名帮人催运的“鸡翼”改名。

 改名添恩客

 其实3家姐都几佩服“篮球”的勇气，佢见到“鸡翼”已经讲明改个名的目的，除了大红大紫之外，最重要系可以多些生意，最后“鸡翼”帮佢改了而家个名。有时有上东西真系唔到你唔信，自从改了名之后，“篮球”人气急升，佢自然“生意”多了，连唔少亿亿声富豪，都点名要揾佢happy，结果“篮球”亦成为富豪界中“红牌阿姑”，短短半年佢已经揾成百万，重有唔少富豪话想包起佢。

人红吊高卖

“篮球”私帮生意大收旺场，其表面正职一样时来运到，俾大型娱乐公司睇中，成为幼模之一，之后佢又出席唔少公开活动，简直可以用猪笼入水形容。虽然3家姐最睇唔起呢种出卖自己的少女，不过3家姐亦不得不赞“篮球”的聪明。自从佢人气急升之后，即刻少了做私帮生意，但各位唔好误会，佢唔系转型从良，而系吊高来卖，放风话自己唔想乱接生意，搞到佢的身价即时狂升，最近已升到几十万一次，但仍然有唔少富豪甘于做其恩客，3家姐又点可以唔写个服字俾佢。