嫁個有錢人（上）

為左呢個艱巨而又神聖既目標，A小姐不斷甘努力。佢非常之明白，男人，絕對係一群受視覺感官控制嘅動物，所以A小姐十分注重自己嘅外在美，十八般保養一樣都不能少！

除此以外，A小姐亦都知道要嫁個有錢人，除咗自己有美貌與智慧之外，機遇亦都好重要，所以A小姐時常都會出入一D高級會所，而且仲會特別留意高級酒店以及高爾夫球場嘅招聘廣告，務求令到自己一直處在一個有錢人環繞嘅環境中。

為左嫁個有錢人，A小姐可謂使盡渾身解數！不過，天意總是弄人！好事通常都多磨！雖然A小姐付出左大量嘅時間、心血，但總係同良緣擦肩而過，失之交臂！唉！

呢一日，A小姐黎到神婆嘅OFFICE，希望神婆幫佢睇睇條命仔，睇下係唔係註定同少奶生活無緣。經過我一輪起卦推算之後，發現其實A小姐非常之有成為有錢闊太嘅潛力！

A：「真係？！我都知我實會嫁到個有錢人架啦！」

戴：「」

A：「之但係點解我嫁極都嫁唔成呢？」

戴：「雖然你命中系有成為闊太嘅潛力，但係仲需要外力幫一幫你，甘就FIT曬啦！你現在嘅狀況就等於萬事俱備，只欠東風！」

A：「咁戴師傅你快D幫我盡全力咁吹D東風過黎啦！」

戴：「…當然無問題啦！」

究竟我會點幫A小姐吹東風呢？A小姐得到東風相助之後又會有D點嘅際遇呢？

欲知後事如何，且看下回分解！