樓股唔掂、風水掂

許多人對風水的認知都是非常貧乏的，尤其是「香港地」，雖然話資訊發達，兼且言論自由，惟許多時都只是人云亦云，道聽途說而已！

「耳聽七分假、眼看未為真」，思琪姐的經典金句，套之於時下對風水存有錯誤觀念的消費者而言，就最貼切不過了。

風帆曾有過以下的遭遇，寫來與各位分享一下！

於一次跟某人佈了一局風水，隔幾天即收到一則來電：

「師傅，你真係好掂！」

「點樣掂？」

「你擺了風水只係幾日，我買的股票就升了。」

「關我乜事，唔好屈我？」

「乜唔關你事，係你幫我睇風水的嘛！」

「唔好意思，請你唔好攪錯，風水佈局係唔可以令你買的股票上升。」

「那你不是說過可以趨財嗎？」

「唉！股票的升跌與否，並不是可以由你間宅來決定的，而是由大環境來決定的。所以唔係我掂，係個市掂。」

「…………….」

又有另外一次來電事件：

「師傅，唔掂喎！」

「有乜唔掂？」

「給你擺了風水，我層樓樓價就跌左！」

「看風水跟樓價有何關係？」

「乜唔係睇左風水財運就會好咩？」

「X…Y…Z…」

去年股市及樓市大旺，擺不擺風水也是會賺錢的，這是大環境所使然。

今年樓股皆有回落之勢，損失就絕對是正常事，不必值得大驚小怪的。

如果以為找人擺了風水，自己的股票及樓價就一定有升無跌的話，那不是樂天大好友就必定是精神有問題。