2011兔年十二生肖運程~~~~狗

狗～～～～～姻緣桃花

狗合太歲紫薇星，六合桃花心連心。

鵲橋之上會戀人，身心願作比翼鳥。

若無情戀花成蕾，青梅竹馬花開易。

若是戀情花盛開，終身可付最為甜。

狗於兔年為六合有情，講到明是六合，自然有情，而且太歲為君王合狗，再加上代表君王的紫薇星，又出現在狗身上，真是天時地利人和，屬狗的，在兔年，幸運曬啦。唔使講啦，姻緣桃花，你天下啦！你與指拖中的伴侶心連心，第三者？驚佢有牙咩。約會情人，整個環境，都只有你們兩個，又似牛郎織女在鵲橋相會咁甜蜜啦。喂喂喂，狗仔呀狗姑娘，你們在兔年咁好姻緣，拿拿聲結婚啦。做一對比翼鳥。

狗仔呀狗姑娘，未拍拖呀？兔年來啦喎，係咪想拍拖呢？心目中有冇邊位俊男美女選擇呀？開波啦，追佢啦，你們的姻緣在兔年發芽架啦，花蕾正在含苞待放架啦！GO GO GO ……….　狗姑娘！狗仔！係咪同某某青梅竹馬，一路成長，對佢有產生了愛意，但太熟又唔知點開？今年開口，就冇問題啦，隨時隨地，佢就是你終身可付之人。

狗～～～～～事業工作

狗於兔年為六合，太歲就是指上司與老闆，同佢相合，都唔知是好還是壞。好的，就是得到上級欣賞，得到老闆的提拔，懷才不遇的困苦，過去了，機會來了，這當然好事。但與此同時，應酬多左，OT多左，因為要陪老闆去做野，咁辛苦，係咪壞事，最慘就是，現在好興的，開OT冇補水。如果有補水，就算多應酬，OT多，都唔緊要啦，做下跟尾狗，而有機會上位，現在的環境好難有架。

狗～～～～～身體健康

狗於兔年，不論在愛情方面，與工作方面，都會多約會，多應酬，OT多，這會令你少回家食飯，在外飲食的味精，大家都知道對身體不好啦

最重要保身體的方法，就是家人留定湯，不論什麼時間，回家就飲返碗啊媽靚湯，為了自己的健康，湯水打低，冇得走雞。