早前接受東方日報訪問，問及怎樣今天 shopping 行大運，就和大家分享一下。
新春接福行大運
庚寅年，庚為金，寅為虎，是為金虎年。是日大年初六，相信不少打工仔已經投入工作，之不過新年開始，想o係虎年有運行，除o左拜車公求事事順境、觀音借庫發橫財，原來行街Shopping都可以行大運o架！
據堪輿學家龍震天師傅講，想流年身體健康，出入平安，好趁初七人日前身體力行行個大運，驅走霉運，咁來年就心想事成喇！以下提供十二生肖行運大法，可有助增旺運勢。
年初六 開市交易 出行祈福
傳統中國習俗，從大年初一到初七，每日都有宜忌活動，龍師傅表示，作為中國人好應該尊重習俗，例如年初六最宜出門行運，湊熱鬧之餘更能趨吉避凶，博個好彩頭。
初六為「接財神」的日子，做生意最好能在今日開始營業。而運財星係正東位，所以打工仔想行個大運吸財氣就要直踩東面喇！另外，所謂「三六九，向外走」傳統習俗，年初六齣街最適宜去人多地方，愈逼愈好！尤其向吉星飛臨方位走，可以吸收天地靈氣及吉星旺氣。
照咁講，港九新界商場眾多，行街購物又可增旺運氣，一舉兩得，何樂而不為呢？至於出發時間，宜於吉時，即係朝早7至11時，又或者下午5至7時、晚上9至11時之間，凶時1至3時就咪制喇！
是日吉事：開市、行商場、消費
是日忌事：呆坐在家
財神方位：正東方(出門往正東方走易增強財運)
時代廣場 醒獅賀歲 蛇馬生意興隆
新年開始，傳統中國習俗當然要醒獅賀歲，銅鑼灣時代廣場於年初六至初八邀請了醒獅同大家拜年賀喜，醒獅款式以桃花為主調，並配合金鼓陣和報喜笑佛派金幣，寓意富貴繁榮，鴻圖大展，生意興隆。市民可免費與醒獅拍照留念，將鴻運帶回家。
龍師傅表示，各位生肖屬蛇屬馬男女，若然想趁虎年增強人緣及正財運勢，最好於中午時分，穿着綠或白色衫褲，配帶木製以及長方型飾物去感受人氣，同時由北方位開始一直朝西行，自然可以增強人緣運，更好大機會結識到異性對象，咁你仲等乜呀？
日期：2月19日至21日 (星期五、六、日)
地點：時代廣場露天廣場
時間：1pm – 5pm(每日6場，共18場)
海港城 金虎獻瑞 龍羊狗財緣皆旺
海港城聯同多個創作單位，以「虎躍海港樂滿城」為主題，將一眾福氣寶寶打造成手持應節糖果的巨型小老虎，於海港城海運大廈向大家拜年。整個佈置以桃紅、紅及金為主色，呈現一片喜氣洋洋的景象。
龍師傅認為，最適合一眾屬龍、羊及狗生肖者去沾旺桃花運及財運。事關佢o地今年旺紅、金、紫、橙四色，可謂食正條水，假如當日著埋相同顏色衫褲，肯定人氣旺爆。
添加到百度搜藏
