劉華的子女之謎：
劉德華看來行了桃花劫，男人腳踏兩條船，若無番咁上下功力，學人兩頭搵食，的確會隨時跌落海餵鯊魚者。
而劉德華誓神劈願話無仔女，重出埋律師信，但心靈受損的粉絲，看來對劉華的信心已經接近谷底，佢講乜都無人再信，網上好多人唔信劉德華無仔女喎。
男人求求其其有一個女人米算囉，做乜多條心雀，搞到自己今日咁，何必呢？
劉德華發誓發信話無女無仔，無人信，但一個人做事天在看，個天會信，所以小師為劉德華算算，有無仔女在世上，活生生既，唔好話天無眼囉！
問卦日為９月６日星期日申時，文王卦得卦風澤中孚，靜卦無變卦。
卦像中竟然真的沒有子孫上卦，劉德華看來是真的沒有如勁八週刊所講，『嘩！女都咁大囉！』既事喎！
看來那真是勁八週刊作野博銷路，又或劉德華命犯太歲，兼犯桃花煞（聽講越靚女人越有刺，係會刺死男人架，叫做桃花刺喎！）所以有咁耐風流，有咁耐折下墮。
不過並不是因為怕了劉德華封律師信，小師才會見卦出無子女才出來，若然卦像係有子女既，我亦都會寫出來，一係唔寫，寫就要對術數負責也。
小師同劉德華算佐佢無子女，術數師講野隨時勁過律師信架，若果劉華睇到小師咁幫佢，會否係咁意俾番Ｄ潤金咁呢嚇？
係就記得搵個利是封裝住佢喎，利是下佢，等劉華執番身彩可也。
卦算月底東京大地震：
據說日本科學家，在東京上空測到大量等離子，便推出今個月底，東京可能會有大地震，而且距上次關東大地震已經好耐，看來係時候再來一次大地震咁話，搞到日本妹心驚驚咁款。
現在的科學重係好幼稚園程度，同外星人科技簡直無得比，食塵都食飽啦，算下等離子就話大地震，不如科學方法推算下無錢俾老婆，有無得返屋企瞓重好啦！
小師用古老玄學科技對決日本頂尖科技，起支卦算算東京九月底會否大地震可也。
起卦日同劉德華支卦同一時間，係順便做埋既，順手無計啦！
得卦火水未濟，變卦火地晉。
全卦顯示，東京九月份內係唔會有大地震，可能連小震都無，日本仔心震就有！
日本用科學技術儀器，小師用術數，得支筆同紙，同腦中古老玄學，來大家鬥一番，睇下邊個準，會否係玄學勝出，邊個係一枝棒（Ｉ ＣＨＩ ＢＡＮ）？
中國玄學術數舉世無雙，識既同有料既，唔係東亞病夫也！
添加到百度搜藏
